ВЕРБАС – Всоботу, 27. мая, у сали Биоскопу „Югославия“ у Вербаше отримани финални вечар 49. Фестивалу поезиї младих, на хторим участвовали дзешец найлєпши млади поетове зоз Сербиї, Босней и Герцеґовини, Горватскей и з Чарней Гори.
Побиднїк 49. Фестивалу поезиї младих Антонио Карлович зоз Заґребу, котри за награду достанє безплатне друкованє кнїжки. Другу награду достала Амина Хрнчич з Маґлаю, з Босней и Герцеґовини, а трецу награду достал Шимун Субота з Беоґраду. Награду за наймладшого поету на Фестивалє того року достал дзеветнацрочни Петар Ракочевич з Подґорици, з Чарней Гори.
Твори младих поетох оценьовали Иван Лалович, Небойша Деветак и Перо Зубац, а пред наступом финалистох отримана промоция кнїжки „Рубец“ прешлорочного побиднїка Марка Краґовича. У музичней часци наступел познати шпивач Деян Цукич.