ВЕРБАС – Општина Вербас и Оддзелєнє за инвестициї, комунални и будовательни роботи, поставели штири помоцни слупи хтори маю шицок потребни алат и пумпу за ґуми же би бициґлистом оможлївели лєгчейше и сиґурнєйше рушанє през город.
Вони на конструкциї маю заквачени ключи за одкруцанє и закруцанє шрубох, шицок дробни алат хтори потребни за менянє ґуми, та у случаю даякей нєпредвидзеней подїї бициґлисти можу свою превозку оправиц на штирох местох у городзе.
Слупи поставени на найфреквентнєйших местох за бициґлистох, коло двох городских пияцох, коло спортского центру и на єдним з найпопуларнєйших местох за рекреацию и одпочивок, коло Шлайзу, дзе преходзи и єдна зоз найзначнєйших бициґлистичних дражкох.
