Поставянє нєдоставаюцей канализациї у Кули и Червинки

автор зам
805 Опатрене

КУЛА/ЧЕРВИНКА – На вецей од дзешец местох у Кули и Червинки тераз тирваю роботи на вибудови нєдоставаюцей канализацийней мрежи, а уж поставени и поцискуюци вод, длугоки 9 км. У Червинки ше роби и на вибудови централного комплексу, хтори одрутни води будзе транспортовац до поцискуюцого воду у Кули, а з обидвох местох буду одходзиц до маґистралного колектору, односно до Централного построєня за преробок одрутних водох медзи Кулу и Вербасом.

Як пише портал Општини Кула, роботи на вибудови канализациї иду як плановане и у Кули остало поробиц ище коло 2,5 километри мрежи, з вєдно 13 километрох. З вєдно 28, у Червинки дотераз поставени 14 километри канализацийней мрежи.

7-Kanalizacija-02

Поцискуюци вод од Червинки идзе коло беґелю ґу Кули, попод Вельки бачки беґель и Беґеяц, потим по цалей длужини улїци Петра Драпшина у Кули, дзе ше улїва до постояцого ґравитацийного беґелю хтори идзе ґу пречисцовачу у Вербаше.

Вибудов нєдоставаюцей канализацийней мрежи у тих двох местох и поцискуюцого воду представя найвекше укладанє општини Кула за остатнї даскельо роки, понеже вредносц инвестициї коло 600 милиони динари. З општинского буджету обезпечени 300 милиони, а з єднакима виносами проєкт потримали покраїнски и републични орґани.

Спомнути роботи окончую фирми „SADE CGHT” з Паризу и „Extra auto transport” Вербасу, а контракти з нїма подписани 6. децембра прешлого року.

 

 

ПОВЯЗАНИ ТЕКСТИ