БЕОҐРАД – Вчера, 19. октобра, вишол термин предвидзени за придаванє лїстинох Републичней виберанковей комисиї за виберанки за национални совити котри буду отримани 4. новембра, а на полноци заключени и дочасови Окремни виберацки список (ОВС).
Министерство державней управи и локалней самоуправи пририхта виводи зоз ОВС и доручи их виберанковей комисиї пре запровадзованє нєпоштредних виберанкох на котрих коло пол милиони гражданох Сербиї – припаднїки 22-ох меншинских заєднїцох, годни вибрац представнїкох до националних совитох.
Уписац ше, и попри тим, мож и после того термину, и то по 72 годзини скорей отримованя виберанкох, односно по 1. новембер, алє ше вимогу посила ресорному министерству.
Термин за обявйованє конєчней лїстини и резултатох виберанкох 8. новембер по 20 годзин.
Руска национална заєднїца потераз ма шейсц преглашени виберанково лїстини.