ШИД – На двацетей схадзки Скупштини општини (СО) Шид, котра отримана пондзелок, 30. априла, одборнїки потримали звити о роботи за прешли и програми роботи за 2018. рок установох хторим снователь локална самоуправа.
Потримана робота Музею наївней уметносци „Илиянум“, Ґалериї малюнкох „Сава Шуманович“, Народней библиотеки „Симеон Пищевич“, Центра за социялну роботу, Дома здравя, Установи за физичну културу и спортску рекреацию „Партизан“, Културно-образовного центра и Туристичней орґанизациї.
Вименєна и одлука о локалних административних таксох з хтору ше ошлєбодзує од плаценя такси у висини 200 динари особи хтори порушаю поступок репрограму порцийного длуства у локалней порцийней администрациї .
СО принєсла и одлуку о реґулованю плана вибудови будуцей транспортней обиходнїци коло Шиду, а прилапени и звит о роботи за прешли рок Општинского штабу за позарядово ситуациї и план роботи за 2018 рок.
Одборнїки меновали на длужносц директора Центру за социялну роботу Деяна Лоґарушича, потерашнього окончователя длужносци директора у тей установи социялней защити.