БЕОҐРАД – Управа за аґрарни плаценя Министерства польопривреди и защити животного штредку вчера сообщела же почала з виплацованьом субвенцийох за реґресовани штучни гной.
Перше виплацанє 28 620 польопривредним ґаздовством хтори витворели право на субвенцию за штучни гной окончена 22. мая, а виплацени 549 милиони 338 883 динари.
Друге виплацованє од 510 милиони 229 655 динари 36 367 ґаздовством будзе 30. мая, а треце ище 7 774 польопривредним ґаздовством, як и тим котри поднєшу вимогу до 31. мая того року будзе по 8. юний.
Придаванє вимогох за реґресованє штучного гною почало 3. мая того року, а по нєшка придати 72 821 вимоги за милиярду 165 милиони 767 625,40 динари.
Виплацованє реґресу будзе предлужене з тижньову динамику, заключно з остатнїм термином за подношенє вимоги, односно до 30. септембра.