Почало приявйованє за ювилейни ФАМУС

автор ядю, фото stock.io
1.1k Опатрене

СИВЕЦ – До 10. новембра тирва приявйованє учашнїкох за тогорочни ювилейни 40. Фестивал акустичарскей музики у Сивцу – ФАМУС, сообщел орґанизатор Дом култури Сивец.

Тогорочни ФАМУС, 33. по шоре, будзе отримани 25. новембра  у сивецким Доме култури, а приявиц ше можу солисти и ґрупи на е-адресу domkulture.sivac@gmail.com, лєбо по звичайней пошти на адресу: Дом култури Сивец, Маршала Тита 195, 25223 Сивец, з назначеньом – „Приява за ФАМУС”. Попри основних податкох о виводзачох, потребне послац и текст шпиванки и єй тонски запис.

Орґанизатор наявює же за найлєпших виводзачох обезпечени квалитетни награди, а после Фестивала журку за шицких учашнїкох.

Фестивал акустичарскей музики у Сивцу – ФАМУС першираз отримани 1977. року у орґанизациї сивецкого Дому култури и през тоти 40 роки у явносци здобул почитованє велїх любительох акустичней музики.

ПОВЯЗАНИ ТЕКСТИ