КУЛА/РУСКИ КЕРЕСТУР – У шицких местох кулскей општини, з тим и у Руским Керестуре, вчера, 8. мая, почал упис дзецох до Предшколскей установи (ПУ) „Бамби”, а тирва по 25. май.
У рускокерестурским Оддзелєню „Цицибан” дзецко до ПУ мож уписац кажди роботни дзень од 12 до 13 годзин.
До цалодньового пребуваня мож уписац дзеци од єдного до седем роки, а до полдньового пребуваня дзеци народзени 2011. и 2012. року. На упис до ПУ муши присц и дзецко, а зоз собу треба вжац кресцене писмо дзецка.
За упис до Пририхтуюцей предшколскей програми, дзе ше уписує дзеци народзени од 1. марца 2011. по конєц фебруара 2012. року, обовязно треба принєсц и потвердзенє о лїкарским препатрунку дзецка.