НОВИ САД – З отвераньом Етно-шору у Католїцкей порти, вчера у Новим Садзе почал ювилейни, Дзешати „Тамбурка фест” и на тим шветовим тамбуровим фестивалє по соботу, 24. юний, наступя вецей як 600 виводзаче з осем державох.
У рамикох Фестивалу будзе и вистава малюнкох з подобовей колониї „Приятелє тамбурки” и фотоґрафийох Мартина Цандира, котри осдтатнї дзевец роки зазначовал збуваня на Фестивалє.
Нєшка у центре городу будзе шпацир 10 тамбурових оркестрох, а главни збуваня на Фестивалє буду на Площи шлєбоди од ютра по соботу.
Наступя Вельки тамбурови оркестер РТВ Войводини, з Дьордом Чавичом и Душаном Свиларом, госц Фестивалу Академски ансамбл русийских народних инструментох московскей филгармониї „Осипова”, наступя и финалисти ТВ-емисиї „Нїґда нє позно”, а на концу „Баяґа и инструкторе”
У змагательней часци „Тамбурка фесту” участвую 15 оркестри, як и дотерашнї побиднїки, хтори ше буду змагац за „Ґран-при”.