КУЛА – З Вечаром соло-шпиванки, у Кули на ютре, 21. октобра, почина тогорочна Седемнста Музична манифестация „Єшень идзе бишалмо моя” („Јесен стиже дуњо моја”), односно Днї Исидора Баїча, композитора народзеного у Кули, а манифестация ноши мено по його найпознатшей композициї.
После ютрейшого на соботу, програми у рамикох Дньох Исидора Баїча буду пиятками на 19 годзин у Концертней сали Школи за основне музичне образованє.
На Вечаре соло-шпиваня на ютре на 19 годзин наступа сопран Милица Стоядинович, з клавирским провадзеньом Бошка Стоядиновича.
На пияток, 3. новембра, клавирску, дуйну и смикову музику представи Музична школа „Исидор Баїч” з Нового Саду, 10. новембра будзе представянє кнїжки „Исидор Баїч – педаґоґ, видаватель и мелоґраф” проф. Даниєли Кличкович, а потим зоз соло-шпиванками наступя школяре у класи проф. Милани Вуксан.
Днї Исидора Баїча буду закончени на пияток, 17. новембра, з Вечаром камерней музики, на хторим наступа Дует „НеБо”, односно Невена Радованович на клавиру и Бояна Футо на гармоники.
Орґанизатор манифестациї Културно-просвитна заєднїца Општини Кула.