МИКЛОШЕВЦИ – З пошвецаньом води, миклошевски вирни вчера, 8. януара преславели Богоявленє Господнє. У грекокатолїцкей церкви Рождества Пресвятей Богородици Службу Божу на 11 г. служел парох вуковарски и декан сримски Крижевского владичества о. Владимир Маґоч.
З тей нагоди о. Маґоч наглашел значенє пошвецаня води як символу живота, як и саме кресценє Исуса Христа на рики Йордан.
По Служби о. Маґоч пошвецел богоявлєнску воду, хтору вирни цали рок буду тримац у своїх обисцох и чувац за духовни потреби.
Од штвартку, 12., по соботу, 15. януара (од 9 годзин) о. Маґоч будзе пошвецац миклошевски обисца по утвердзеним розпорядку.
