КОЦУР – У грекокатолїцкей церкви у Коцуре вчера, на Богоявлєнє, пошвецана вода, а од нєшка нашо священїки по валалє починаю пошвецац обисца.
Воду, хтору порихтала парохия, як и судзини з воду хтори до церкви принєсли парохиянє, у Велькей Служби пошвецали о. Владислав Рац и о. Яков Кулич, а швецену воду могло набрац цали дзень и однєсц дому.
Пошвецанє обисцох почало вчера з пошвецаньом Манастиру шестрох служебнїцох, а нєшка и ютре буду пошвецани обисца на Вельким и на Новим шоре. Розпорядок пошвецаня обисцох по других улїцох будзе обявени на нєдзелю.
