ВЕРБАС – Прешлого тижня почала вибудов єдней часци канализацийней мрежи у населєню коло индустрийней зони у Вербаше, хтора представя закончуюци конар мрежи на сиверней часци мрежи општини. Потераз поробене вецей як 95 одсто канализациї у городзе, та то єдна з остатнїх инвестицийох.
Роботи финансовала покраїнска Управа за капитални укладаня и виноша коло 10 милиони динари, а требали би буц закончени уж по конєц септембра.
Тота инвестиция окреме значна за гражданох тей часци Вербаса хтори пре подли септични дзири часто мали проблеми зоз вилїваньом, окреме у периодзе кед уровень поджемних водох досц високи.
