АПОСТОЛСКИ ЕҐЗАРХАТ – У векшини парохийох Апостолского еґзархату за грекокатолїкох у Сербиї по юлиянским календаре нєшка швето Богоявлєнє Господнє – Трокралї, єдно з найвекших и найстарших християнских шветох.
На Богоявлєнє ше Церква здогадує євангелскей подїї кед Йоан Хреститель на рики Йордан покресцел Исуса Христа и кед ше Бог у тей хвильки обявел як Св. тройца.
Вчера була Богоявлєнска вилїя и посни дзень, а швето нєшка будзе преславене на службох Божих у наших церквох.
На тото швето ше по Служби окончує и обряд пошвецаня води, з хтору священїки потим пошвецаю доми своїх парохиянох.