КАЛОЧА/МАДЯРСКА – У рамикох ИПА ИНТРЕҐ прейґгранїчного проєкту котри ше реализує у сотруднїцтве Општини Кула и мадярскей Калочи под назву „Стари звикнуца у новим облєчиве”, у Калочи бул отримани саям на котрим ше представели и поднїмателє и здруженя зоз општини Кула, а зоз Руского Керестура члени Здруженя паприґарох „Капсикум анум”, понеже часц того проєкту була и тогорочна манифестация „Днї керестурскей паприґи”.
На роботньох котри отримани у рамикох сайму, з општини Кула участвовали Здруженє „Непкер” зоз ручнима роботами, подприємство „Сиґма” зоз Червинки, и два фамелиї зоз Руского Керестура – МихайлоФейди представел свой айвар, а Микола Винаї млєту паприґу.
Домашнї зоз Калочи госцом оможлївели нащиву тамтейшого музею котри пошвецени паприґи, а орґанизовали и роботню на котрей була тема писанє проєктох при фондох Европскей униї.
Спред локалней самоуправи, до Калочи путовали и предсидатель Дочасового орґану Општини Кула Велибор Милоїчич, як и його заменїк Кароль Валка.
У рамикох того госцованя, було орґанизоване и рукометне змаганє медзи сивецким Рукометним клубом „Сивец 69” и домашнїма з Калочи, а победзели Сивчанє з резултатом 23:37.
