РУСКИ КЕРЕСТУР – Парохия св. оца Миколая штварток, 14. септембра, преславела швето Воздвижениє чесного хресту по григориянским календаре, а богослуженя у церкви були рано и вечар, док Велька Служба Божа була у Водици.
На шицких службох Божих наказовал парох о. Михайло Малацко, а Вечаршу и служел. Раншу Службу служел о. Владимир Медєши, а Вельку о. Михайло Шанта.
На тото швето вирни ше здогадую на подїю кед пренайдзени хрест на хторим розопяти Исус Христос. Хрест пренашла царица Єлена, мац цара Константина Велького, кед ше у Єрусалиму була поклонїц на Христовим гробе.