КОЦУР – ОШ „Братство єдинство“ з Коцура вовторок, 9. мая, преславела Дзень школи. Програма була пошвецена школяром и їх активносцом, у хторих участвовали од ранa, а кажди школяр за себе могол пренайсц тото цо го интересує и у чим ужива.
З нагоди Дня школи учителє и наставнїки зоз школярами пририхтали вєдно 17 рижни активнос – вистави, квизи, роботнї, змаганя и подобне.
Програма почала на отвореним зоз штафетнима бависками першокласнїкох, а и хвиля поримала, та шицки активносци хтори плановани вонка и витворени.
Директорка Школи Славица Байор визначела же уж други рок за шором Дзень школи пошвецени школяром и их интересованьом.