БЕОҐРАД – Скупштина Сербиї прилапела вименки и дополнєня Закона о польопривредней жеми, хтори странским державяном з ЕУ огранїчую купованє жеми.
Же би странєц, державян жеми хтора у ЕУ могол купиц жем у Сербиї, муши мац пребувалїще у Сербиї голєм 10 роки, односно у єдинки локалней самоуправи у хторей жада купиц жем; же би ю обрабял найменєй три роки; муши мац реґистроване польопривредне ґаздовство, машини и опрему же би ше занїмал з польопривредну продукцию, а може мац найвецей до два гектари польопривредней жеми у приватним власнїцтве
З новим законом прецизована забрана предаваня польопривредней жеми державяном ЕУ у зони 10 километри од гранїци.
Вименки Закона ступя на моц першого дня по обявйованю у „Службеним глашнїку”, а почнє ше их применьовац од 1. септембра.