КОЦУР – У ОШ „Братство єдинство“ у Коцуре школяре осмих класох, як и шицки у Сербиї, през викенд мали пробни Закончуюци испит пред уписом до штреднєй школи.
Пияток, 7. априла, школяре ришовали пробни тест з математики, а всоботу, 8. априла, з мацеринского язика и комбиновани тест з пейц предметох.
Пробни Закончуюци испит у Коцуре ришовал 51 школяр, медзи нїма у рускeй класи 13 школяре, котрим то була нагода же би видзели як будзе випатрац главни испит, алє и дзе ище муша унапредзиц свойо знанє по покладанє Закончуюцого испиту.
Резултати пробного Закончуюцого испиту буду познати того тижня, та и наставнїки годни видзиц же у хторих обласцох школярох треба лєпше пририхтац за покладанє малей матури.