НОВИ САД – На вовторок, 28. авґуста, у просторийох Заводу за културу войводянских Руснацох стретню ше представнїки Дружтва за руски язик, литературу и културу и проф. др Вейлс Брауни (Wayles Browne) зоз Нюйорку, зоз Зєдинєних Америцких Державох.
Брауни до нащиви до Сербиї приходзи пре Медзинародни конґрес славистох у Беоґрадзе котри тирва од 19. до 27. авґуста.
По стретнуцу зоз представнїками зоз Дружтва за руски язик, литературу и културу, на 12 годзин, професор Брауни ше стретнє и зоз директорку Завода за културу войводянских Руснацох Анамарию Ранкович, алє и зоз другима хтори виража интересованє.
Проф. др Вейлс Брауни заняти на Корнел универзитету на департману за линґвистику. Рамики його виглєдованя славистика и линґвистика ґенерално, а найбаржей го интересує сербскогорватски язик.
Брауни писал и до Часопису за литературу, културу и уметносц „Шветлосц“ (ч. 3/2008), а остатню роботу у вязи зоз руским язиком обявел под назву „Порядок енклитикох у язику войводянских Руснацох”.