СЕРБИЯ – Републични гидрометеоролоґийни завод (РГМЗ) спозорює на високи температури од нєшка, 23. юния, по стреду 28. юния. Температури буду од 33 до 37 ступнї Целзийусових, а лєм на пондзелок будзе приємнєйши.
РГМЗ за нєшка наявел тропски цеплоти, а познєйше пополадню и на вечар мож обчековац похмареносц, з локалнима дижджами, гирменьом и нєпогодами.
На ютре будзе слунечно и барз цепло, лєм пополадню на югозаходу мож обчековац запори з гирменьом, з максималну температуру од 31 до 35°C. Нєдзеля будзе слунечна и барз цепла, з температуру од 32 до 38°C, пополадню у сиверних и заходних часцох можлїви дижджи, запори и гирменя. Будзе условия за вельки паданя, запори, бурї и каменєц.
На пондзелок будзе пременлїво похмарено и швижше, алє и далєй цепло и барз спарно, з локалнима дижджами и гирменьом, даґдзе аж и з бурями. Максимална температура будзе од 28 до 34°C.
За вовторок и стреду РГМЗ предвидзує слунковито и барз цепло, з температуру од 33 до 37 ступнї. Стреду пополадню на сиверу, а вечар и през ноц до шицких крайох приходзи ошвиженє з дижджом, запором и гирменьом. Од штвартку приємнєйше з пременлїву хвилю.