НОВИ САД – Покраїнска влада принєсла ришенє о менованю Анамариї Ранкович на функцию директорки Заводу за културу войводянских Руснацох.
Таке ришенє усвоєне на схадзки Покраїнскей влади отриманей 4. мая того року, з обгрунтованьом же одлука принєшена на основу предкладу Националного совиту Руснацох.
У толкованю ришеня наведзене же конкурс за директора Заводу бул розписани ище у октобру прешлого року, алє пре жалбу єдного з кандидатох тот поступок бул часточнє повторени.
Управни одбор Заводу два раз констатовал же Ранковичова єдина сполньовала шицки критериюми конкурсу, односно же поднєсла одвитуюцу документацию и була єдина кандидатка на функцию директора.
И на тоту одлуку Покраїнскей влади иснує право жалби у року од 60 днї, наведзене у ришеню.