НОВИ САД – Тей єшенї ше орґанизує путуюцу заєднїцку мултикултуралну виставу младих уметнїкох под назву „Зоз слику вєдно” з нагоди означованя 10 рокох роботи и иснованя меншинских заводох за културу у Войводини – Румунох, Словацох, Мадярох, Горватох и Руснацох.
З тей нагоди, окрем вистави, пририхтує ше и каталоґ, а редакторка поставки вистави кустос Нела Тонкович вибере уметнїкох чийо роботи буду представяц национални заєднїци.
Спред рускей заєднїци на вистави „Зоз слику вєдно“ свою творчосц представи Дарян Гарди.
Вистава будзе отворена 28. септембра у Сучасней ґалериї у Суботици, и там ю нащивителє годни опатриц по 12. октобер того року, после чого ше поставка преселї до Нового Саду до просторийох познатого „Едьшеґ замку”. Предвидзене же би ше виставу орґанизовало и у Зренянину, и у Сенти.