РУСКИ КЕРЕСТУР – Зоз змаганьом процив „Милетичу”, хторе рукометашки „Русина” страцели зоз 19:12, закончело ше першенство у II лиґи сивер, ґрупа Срим — Бачка.
Од осем екипох „Русин” завжал 7. место, за нїма лєм екипа „Сонти”. Рукометашки „Русина” пораженє дожили на 13 змаганьох, а лєм єдно ришели на свой хасен. Посцигли 194 ґоли, а прияли 426.
На тих змаганьох „Русин” наступел у составе: Валентина Планчак, Драґица Плавшич, Андрияна Штранґар, Емина Симич, Кяра Будински, Даяна Ходжич, Тияна Будински, Уна Планчак, Александра Штранґар, Сабина Планчак, Ивана Салаґ, Милица Салаґ и Лана Кнежевич.