ВЕРБАС – У церкви Покрова Пресвятей Богородици у Старим Вербаше вчера, на Русадля, на службох Божих парох о. Алексий Гудак у своєй казанї здогаднул же ше швето Сошествия Святого духа вола и Пейдзешатнїца, бо ше означує зиходзенє Св. духа на апостолох 50 днї по Исусовим воскрешеню.
Пополадню у церкви отримани и Парастос за умартих, а на 17 годзин о. Алексий Гудак пошвецал гроби на городским теметове.
На Русадля по церкви були порозтресани конарчки трави, та парохиянє виплєтали венчки зоз хторима украшели свойо обисца.