РУСКИ КЕРЕСТУР – Рускокерестурски „Русин” вчера, 17. мая, на своїм терену победзел „Младосци” з Крущичу з 2:0, у 27. колє першенства у Подручней фодбалскей лиґи Зомбор-Бачка Паланка. Ґоли за „Русин” дали Боян Бранкович и Неманя Тешович.
З вчерайшим змаганьом „Русину” вишла и кара – бавене двох змаганьох на домашнїм терену без публики, так же шлїдуюце у Керестуре годни провадзиц и навияче.
„Русин” и далєй на 5. месце, тераз зоз 41-им бодом, а шлїдуюце першенствене змаганє бави нєдзелю, 21. мая, у Липару процив ФК „Липар”.