БЕОҐРАД – У церкви Кирила и Методия у Беоґрадзе, 14. марца, попри найвисших церковних представительох – апостолского нунция Лучияна, митрополита Хочевара, монсиньора Колнаґа и числених священїкох и монахиньох, представнїкох сербскей православней Церкви, державнима и академскима званичнїками – на означованю 10-рочнїци упокоєня Кяри Лубик, були и грекокатолїки зоз Беоґраду, Руского Керестура, Нового Саду и Митровици.
Кяра Лубик була харизматична особа, як ю наволал митрополит Станислав Хочевар, хтора зоз свою нову духовносцу єдинства вошла до велїх церквох. Дзе на жеми владала права цмота, у Кяровим шерцу ше запалєло нове шветло, нова любов ґу шицким – визначел Хочевар.