ДЮРДЬОВ – Вчера вечар, у святочней сали Месней заєднїци Дюрдьов, отримана явна святочна схадзка Совиту Месней заєднїци.
На схадзки Душко Михелц, бувши предсидатель МЗ Дюрдьов, присутним начишлєл цо у валалє у 2017. року поробене на инициятиву Совиту, а потим нововибрана предсидателька Душанка Джамбас бешедовала о планох роботи за 2018. рок. Як наглашела, єден зоз значнєйших проєктох котри планую витвориц будзе асфалтованє дражки медзи Дюрдьовом и Жабльом.
После того викладаня присутни валалчанє вихасновали нагоду опитац ше присутним представительом локалней и општинскей власци прецо драги у валалє у подлим стану и прецо на улїцох роками присутне вельке число псох блукачох. И Джабасова и Михелц на тото одвитовали же за обидва проблеми одвичательна општина, бо су у їх инґеренциї.
После схадзки орґанзиовани коктел и закуска, а попри членох Совиту, бул присутни и предсидатель Скупштини општини Радован Чолич и представителє валалских здруженьох, дружтвох и клуба.