ВЕРБАС – У грекокатолїцкей церкви Покрова Пресвятей Богородици у Старим Вербаше нєшка, на Желєни штварток, Служба Божа Василия Велького будзе на 8 годзин, а на 18 годзин Утриня з читаньом 12 євангелийох зоз страсцох Исусових. На ютре, на Вельки пияток, Исусово хованє будзе на 16 годзин.
На Вельку соботу Пасхалне Бдиниє зоз Службу Василия Велького у Старим Вербаше будзе на 18 годзин.
На нєдзелю, на Вельку ноц, Воскресна утриня будзе на 6 годзин, а Служба Божа з пошвецаньом паскох на 10 годзин.
У грекокатолїцкей церкви Святого Владимира у нововербаскей парохиї Утриня з читаньом 12 євангелийох зоз страсцох Исусових нєшка будзе на 17 годзин, а на ютре, на Вельки пияток, Служба и Исусово хованє будзе 17 годзин. Як то традиция у тей парохиї, коло Исусового гроба будзе орґанизована стража.
На Вельку соботу Пасхалне бдиниє зоз Службу Василия Велького у Новим Вербаше будзе на 17 годзин.
На нєдзелю, на Пасху, Воскресна утриня зоз Службу Божу будзе на 5 годзин рано, а паски ше будзе швецац на 6,30 годзин.
У филияли нововербаскей парохиї у Змаєве пошвецанє паскох будзе на соботу на 17 годзин, а на нєдзелю, на Вельку ноц, Служба Божа будзе на 9 годзин.
