КОЦУР – З нагоди крачунских шветох, у парохийним Каритасу у Коцуре вчера отримане стретнуце волонтерох коцурского и рускокерестурского Каритасу, на хторим єдни другим пририхтали и кратку програму.
На стретнуцу шпивани крачунски шпиванки з провадзеньом ґитарох и гушлї, инспиративни слова пречитала координаторка коцурского Каритасу ш. Михаила Воротняк, а приказани и кратки филм о волонтеризме. Присутним бешедовали и директор Каритасу нашого Еґзархату Янко Катона, єден з волонтерох Янко Салонтай, як и парох коцурски о. Владислав Рац.
Стретнуца орґанизоване пре черанє искуствох и друженє, хторе предлужене и по законченю програми, а старши волонтере похвалєли же їх роботу предлужую младши.
