РУСКИ КЕРЕСТУР – Пред одходом до Нового Саду, двойо студенти Оддзелєня славистики на Педаґоґийним универзитету у Кракове у Польскей и його руководителька, професорка Олена Дуц-Файфер, вчера нащивели ОШ „Петро Кузмяк” у Руским Керестуре.
Госци провадзели годзини руского язика у другей и штвартей класи ОШ, при учителькох Наталиї Зазуляк и Ксениї Бодянец, а у Школи им домашня була педаґоґиня Любица Няради.
Професорка Олена Дуц-Файфер и єй двойо студенти нєшка у Керестуре нащивя Национални совит Руснацох, Музейну збирку у Замку, Оддзелєнє Народней библиотеки, Церкву, Дом култури и РНТ „Петро Ризнич Дядя”, а на вечар у Доме култури буду патриц и младежску представу „Боинґ-Боинґ”.
На ютре, 14. мая, госци з Польскей нащивя Коцур – Етно-клуб „Одняте од забуца”, нашу церкву и Дом култури.