НОВИ САД – На новосадским СПЕНС-у вовторок, 21. марца, отворена тадицийна манифестация „Новосадска яр”, а основна тема тогорочней, 27. „Яри” то енерґетска ефикасносц през обновлїви жридла енерґиї. Попри узвичаєних виставох квеца, саднїцох, опреми за гортикултуру, меду, здравствено-безпечней поживи и старих и уметнїцких ремеслох, поставени и окремни „Салон о енерґетскей ефикасносци”.
Як у мено главного орґанизатора манифестациї – Руху горякох Нового Саду – наглашел його предсидатель Петар Видїкант, циль тей вистави же би, насампредз млади, научели як мож жиц енерґетски ефикасно, лєпше и интересантнєйше.
На тогорочней „Новосадскей яри” участвую вецей як 200 викладаче, а вистави, вецей фахово преподаваня и роботнї, насампредз за дзеци, нащивителє можу опатриц кажди дзень од 8 до 20 годзин.
Уход на „Новосадску яр” шлєбодни, а манифестация тирва по соботу, 25. марца.