ЗИМНА ВОДА (УКРАЇНА) – Штварти Фестивал Лемкох/Русинох „Гомин Лемковщини” будзе отримани того викенду, 25. и 26. авґуста, у месце Зимна Вода при Львове, у України.
Фестивал орґанизує Всеукраїнске дружтво „Лемковщина” з Львова, вєдно з Львовску обласну орґанизацию. Обчекує ше же на истим Фестивалу буду присутни велї представителє державней и духовней власци, як и велї госци зоз иножемства и вецей тиячи нащивительох.
У програми Фестивалу буду участвовац велї ансамбли з України, як и иножемни ґрупи зоз Словацкей и Польскей, а зоз Сербиї наступя солисти Ана Римар Симунович зоз Нового Саду, Петро Закамарок з Индії, як и гумористка Лїля Колбас з Дюрдьова. На фестивалу будзе присутна и делеґация Союзу Руснацох Українцох Сербиї.