КУЛА – Општинска управа Кула информує шицких виберачох же по 17. марец можу окончиц увид до виберацкого списку пред вииберанками за предсидателя Сербиї, хтори буду 2. априла.
Виберацки список будзе заключени 17. марца на пол ноци, а потамаль кажди роботни дзень (од 7 до 15 г.) у будинку Општини Кула и у месних канцеларийох у Руским Керестуре, Червинки, Сивцу, Крущичу и Липару, гражданє можу опатриц чи су уписани до виберацкого списку, лєбо дац вименки о своїх податкох у списку.
Увид до виберацкого списку мож окончиц и електронски, прейґ сайту Министерства державней управи и локалней самоуправи – www.mduls.gov.rs, з уношеньом свойого єдинственого матичного числа.