ЖАБЕЛЬ – Председсидатель Општини Жабель Чедомир Божич уручел пондзелок, 19. марца, Контракти о финансованю/софинансованю проєктох з обласци култури и уметносци.
Средства достали КУД „Тарас Шевченко” з Дюрдьова, Хор „Пасторала” зоз Жаблю, Аматерски театер „Браша” зоз Жаблю, ДОНК „Дєрдан” з Ґосподїнцох, КУД „Прело” з Чуроґу, КУД „Роґаль” зоз Жаблю и КУД „Бранислав Нушич” з Дюрдьова.
Средства, як и прешлих рокох, достало и Дружтво за руски язик, литературу и културу за Подобову колонию „Стретнуце у Боднарова”, чийо представителє Ирина Папуґа и Владимир Салонски були на сходзе.
Присутни подзековали предсидательови Чедомирови Божичови на финансийней потримовки, як и на ажурносци його сотруднїкох, маюци у оглядзе же то, по шицким судзаци, и перши реализовани конкурс у 2018. року у обласци култури.