КОЦУР – „Искра” з Коцура у дньох викенду одбавела перши два пририхтуюци змаганя за ярню часц першенства у Медзиопштинскей лиґи Бачка Тополя-Мали Идьош-Вербас-Бечей.
Всоботу, 25. фебруара, „Искра” у Коцуре дочекала „Младосц” з Крущичу и победзела зоз 4:3. Ґоли за „Искру” на тим змаганю дали Дарко Николич 2, Дамян Ґубаш и Марян Малацко.
Вчера, 26. фебруара, „Искра” госцовала у Фекетичу процив „Ядрану” и знова победзела, тераз з 1:0. Єдини ґол на змаганю дал Милан Дукич.
Шлїдуюце змаганє „Искра” бави на соботу, 4. марца у Бачким Ярку процив „Младосци”.