КОЦУР – Шаховски клуб „Омладинєц“ зоз Коцура у першим колу Войводянскей лиґи-ґрупа Бачка на домашнїм терену привитал екипу „БТШК” зоз Бачкей Тополї и победзел зоз 3,5:2,5.
За „Омладинєц” на тим змаганю наступели Карло Бала, Споменко Павичевич, Ґоран Попович, Стеван Перич, Никола Тадич и Миряна Шолая.
Побиди на тим змаганю зазначели Карло Бала, Споменко Павичевич и Никола Тадич.
Реми одбавела Миряна Шолая, а Стеван Перич и Ґоран Попович свойо змаганя страцели.
У шлїдуюцим колу „Омладинєц” будзе госц у Старей Моравици дзе го дочека екипа „Чаки Йожеф”.