РУСКИ КЕРЕСТУР – После жимскей павзи, у просторийох керестурского Каритасу ше од штвартку знова почали отримовац друженя за стари особи.
Штварткове друженє було окреме веселе, бо грали и шпивали млади гудаци – Павле Венчельовски и Виктор Хрин. Так ше шицки учашнїки после длугшого часу могли наприповедац, алє и натанцовац. Присутних обишли и священїки – капелан о. Владимир Медєши и дакедишнї керестурски капелан о. Тони Анґелов з фамелию, хтори тераз у Македониї. Шицки вєдно одшпивали „Христос воскрес”, а священїки потим кратко бешедовали о смислу церпеня и о воскресеню.
Друженя, хтори орґанизую волонтере Каритасу, буду ше отримовац кажди штварток од 15 до 18 годзин, а за тих цо нє можу присц обезпечени и превоз.
