У Керестуре були „Нєлапшни алибаба и збойнїки”

автор мар
1.2k Опатрене

РУСКИ КЕРЕСТУР – У Велькей сали Дому култури у Руским Керестуре вчера, 20. октобра госцовала дзецинска представа КПД „Дюра Киш” зоз Шиду „Нєлапшни алибаба и збойнїки”, котру по тексту Тодея Николетича режирал Цветин Аничич.

Пред керестурску младу публику то було уж штварте виводзенє тей представи, у хторей участвую дванацецеро дзеци з вецей наших сримских местох.

– Представа витворена же би ше руски дзеци з Бачинцох, Бикич Долу, Беркасова и Шиду зберали коло руского язика, та и з драмску активносцу, насампредз на пробох, дополнюєме активносци у настави руского язика – гварела Наташа Еделински Миколка.

У представи ґлумя дзеци возросту од першей класи основней по трецу класу штреднєй школи, а помоц коло руского язика мали од Далибора Болдиша, Наташи Еделински Миколка, о. Владимира Еделинския Миколку, та просвитних роботнїкох Златици Сивч Здравич и Вери Дупало.

Проєкт потримал Национални совит Руснацох, хтори обезпечел превозку, Културно-образовни центер Шид финансовал режисера и пожичел костими, а на основи конкурованя, КУД-у з Покраїни одобрени средства з хторих заплановане ушиц власни костими.

ПОВЯЗАНИ ТЕКСТИ