РУСКИ КЕРЕСТУР – Вчера вечар до Руского Керестура допутовали двацец двойо школяре и просвитни роботнїки з Основней школи у Земплинскей Теплици, дакедишнїм Керестуре, зоз Словацкей, и ту буду по нєдзелю, 11. юний.
Госци зоз Зеплинскей Теплици врацаю нащиву Школи „Петро Кузмяк”, чийо школяре и просвитни роботнїки у Теплици були тей жими, од 9. по 12. януар.
Домашнї Тепличаньом Школа „Петро Кузмяк” и Национални совит Руснацох, котри за нїх пририхтали рижнородну програму нащивох – нєшка през дзень буду на Катаи салашу у Малим Идьошу и у Бечею, дзе нащивя и дворец „Фантаст”.
Нєшка на вечар у Школи будзе друженє госцуюцих и наших школярох, а на ютре, на соботу, дополадня иду на екскурзию до Нового Саду, дзе пополадню буду присуствовац и участвовац на нашим фестивалє „Веселинка” у Руским културним центре.
Госци зоз Словацкей нащиву законча на нєдзелю дополадня з розпатраньом рускокерестурскей Катедралней церкви и Водици.