КОЦУР – На нєдзелю, 23. децембра од 8 до 19 годзин у церковней сали коцурскей грекокатолїцкей церкви будзе орґанизовани Крачунски вашар котри и того року будзе гуманитарни.
На вашаре буду понукнути ручни роботи, прикраски за наиходзаци крачунски и новорочни швета, а волонтере коцурского Каритасу порихтаю бобальки за тоту нагоду котри нащивителє годни коштовац.
Крачунски вашар у коцурскей церкви будзе мац гуманитарни характер, понеже назберани пенєж будзе подаровани фамелиї котра ма хоре дзецко.