У Коцуре того викенду Днї театру „Владимир Сабо-Дайко“

автор злк
1k Опатрене

КОЦУР – Месни одбор Рускей матки Коцур, Етно-клуб „Одняте од забуца“ з Коцура и Културни центер Вербас од 28. по 30. април у коцурским Доме култури орґанизую Пияти Днї театру „Владимир Сабо-Дайко“.

Програма на пияток почнє з виставу фотоґрафийох и проєкцию представох на биоскопским платну з нагоди 40 рокох театралней дїялносци Аранки Медєшовей и Меланиї Макайовей и 20 рокох театралней дїялносци Даниели Тамашовей.

На соботу, 29. априла, члени Аматерского театру „Бранислав Нушич“ Културно-образовного центру зоз Шиду участвую з представу за дзеци „Сказка о шарканьови“, а на вечар з представу „Жадам ше ошлєбодзиц“. Обидва представи режирал Цветин Аничич.

На нєдзелю, 30. априла пополадню будзе виведзена дзецинска представа Руского КУД „Др Гавриїл Костельник“ з Кули „Приповедки зоз Коцко-городу“, у режиї Нади Лендєр, а Днї театру завре представа Руского културно центру Нови Сад „Божеска ноц“, у режиї Звонимира Павловича.

Уход на шицки представи шлєбодни.

ПОВЯЗАНИ ТЕКСТИ