ДЮРДЬОВ – На стадионє ФБ „Бачка 1923” у Дюрдьове всоботу, 16. септембра отримане змаганє ветеранох у малим фодбалє у рамикох Спортских бавискох „Яша Баков”.
Участвовали фодбалере народзени од 1982. року, а участвовали штири екипи – ФК „Искра” з Коцура, КУД „Петро Кузяк” з Нового Орахова, Руского културного центру з Нового Саду и ФК „Бачка 1923” з Дюрдьова.
Бавело ше на половки велького стадиону два раз по петнац минути, кажде з каждим, по бод системи и перше места освоєли ветеранє домашнїх з „Бачки 1923”, друге ветеранє „Искри”, треце КУД „Петро Кузяк” з Нового Орахова, а штварти були фодбалере з Нового Саду.