СРИМ – Вчера, на Богоявлєнє, у цеквох у Шидзе, Бачинцох, Беркасове и Бикичу пошвецена боголявлєнска вода, хтору вирни однєсли дому, а священїки з ню пошвецаю обисца.
У Шидзе о. Михайло Режак пошвецанє обисцох почал вчера пополадню, а плановане же благослов обисцох будзе закончени на стреду.
У Беркасове парох о. Владимир Еделински Миколка обисца почал пошвецац стреду и вчера там пошвецанє закончене, а нєшка будзе пошвецац обисца у Бикичу.
У Бачинцох парох о. Дарко Рац вчера пошвецел половку з коло 60 обисцох у тим валалє, а друга половка будзе пошвецена нєшка.
