НОВИ САД – У дванастим тогорочним чишлє новинох „Руске слово” у рубрики „Тижньовнїк” зазначене подписованє Ришеня о финансованю Подручней канцелариї Националного совиту Руснацох у Дюрдьове з Општину Жабель, а рубрика „Нашо места” пише о ришованю проблемох з канализацию и одрутнима водами у Вербаше и Кули. Ту и информациї о опредзельованю средствох за софинансованє медийних проєктох у Шидзе, звит з трибини о Европскей престолнїци култури и Руснацох, як и текст о бриґох з псами блукачами у Дюрдьове.
„Економия” понука напис о каменьорезцови Александрови Макайови з Коцура, як и о означованю Шветового дня водох у Вербаше.
„Култура и просвита” дава прегляд з отвераня Драмского мемориялу Петра Ризнича Дядї, як и огляднуце на премиєру новей представи РНТ виведзеней на Мемориялє, ту и звит з Културней манифестациї „Яр др Мафтея Виная” у Суботици, як и розгварка з режисером Владимиром Надьом Ачимом.
Рубрика „Людзе, роки, живот” упознава читачох з Владимиром Еделинскийом зоз Шиду, док на „Духовним живоце” визначене означованє ювилейох шестрох Служебнїцох Непорочней Дїви Мариї.
„Спорт” у тим чишлє дава надосц звити зоз змаганьох наших спортистох у шаху, каратеу и фодбалє, а представени и коцурски фодбалер Юлиян Загорянски Ґаринча.