НОВИ САД – У тринастим тогорочним чишлє новинох „Руске слово” рубрика „Тижньовнїк”, окрем о наиходзацих виберанкох, пише и о финансованю руских институцийох.
На „Наших местох” єст надосц информациї зоз шидскей општини, ту и вистка о огню на коцурским теметове, як и о акциї на садзеню древкох у орґанизациї керестурского Здруженя спортских рибарох „Коляк”.
Рубрика „Економия” пише о початку тогорочней сезони продукциї паприґи у Руским Керестуре, а на бокох „Култури и просвити” мож пречитац огляднуце на представи виведзени на тогорочним Драмским мемориялє Петра Ризнича Дядї.
На бокох спомнутей рубирики и звити зоз схадзки Одбору за образованє Националного совиту Руснацох, Скупштини Руского културного центру у Новим Садзе, як и зоз стретнуца УНЕСКО-клубох штреднїх школох Сербиї у керестурскей Школи.
У рубрики „Людзе, роки, живот” представени наш познати ґлумец з Руского Керестура Михайло Варґа, док „Духовни живот” зазначел духовну обнову за наших священїкох у Вербаше и програму Руху фоколарох у Новим Садзе.
„Спорт”, медзи иншим, прейґ розгварки з др Юлияном Малацком представя його кнїжку „Технолоґия спортского тренинґу”, а ту и звит з другого тогорочного турниру у рамикох Спортских бавискох „Яша Баков”, у кошарки „3 на 3” у Дюрдьове. Додаток у тим чишлє „Литературне слово”.