У новим „Руским слове”

автор ядю
1k Опатрене

НОВИ САД – У двацецпершим тогорочним чишлє новинох „Руске слово” рубрика „Тижньовнїк” информує о одлукох з остатнєй схадзки Националного совиту Руснацох, док рубрика „Нашо места”, медзи иншим, пише о актуалних темох хтори розпатрани на Совиту Месней заєднїци Руски Керестур.

На „Економиї” зазначени нєдостаток пресади паприґи у сезони пресадзованя у Керестуре, а ту мож пречитац и о польопривредних ярнїх роботох у Новим Орахове, як и огляднуце на прешлого тижня закончени Медзинародни польопривредни саям.

Рубрика „Култура и просвита” дава звит зоз Седмого Хорского фестивалу „Карпати” у Вербаше, пише о пририхтованьох за тогорочни Фестивал рускей култури „Червена ружа”, а попри других висткох, зазначени и успихи школярох ШОМО на змаганьох.

„Мозаїк” матурантом представя можлївосци студираня на векшини новосадских факултетох, а „Людзе, роки, живот” читачох упознаваю з Буїловима з Дюрдьова. „Духовни живот” пише о пририхтованьох за преславу ювилею керестурскей Водици и о гуманитарней акциї у Коцуре.

На бокох „Спорту” зазначени успих керестурских атлетичарох на Медзиокружним змаганю, а окрем резултатох на першенствених змаганьох спортских клубох з наших местох, ту и текст о 105-рочнїци ФК „Искра” з Коцура. У тим чишлє додаток „Дом и фамелия”, дзе и нова „Женоблоґия”. 

ПОВЯЗАНИ ТЕКСТИ