НОВИ САД – Двацец друге тогорочне число новинох „Руске слово” у рубрики „Тижньовнїк” дава звит зоз схадзки Одбору за културу Националного совиту Руснацох и з трибини о медийох на меншинских язикох, док „Нашо места”, медзи иншим, пишу о упечаткох з Пиятого Фестивалу русинскей култури у Свиднїку, у Словацкей.
На бокох „Економиї” мож пречитац яки пошлїдки пременлїва хвиля охабя на урожаї у хотарох по наших местох, док „Култура и просвита” дава надосц информациї зоз зма1ганьох на хторих участвовали руски школяре, як и о означованю Дня школи „Петро Кузмяк” у Керестуре.
На бокох „Култури” и текст о промоциї роману академика Юлияна Тамаша у Новим Садзе и о предлуженю обробку Бруґошових фотоґрафийох у Руским Керестуре.
Рубрика „Мозаїк” преноши атмосферу з програми „Дзе(нь) младосц(и)” у новосадским РКЦ, на хторей означени 45 роки од виходзеня часопису МАК, а прейґ написох на бокох рубрики „Людзе, роки, живот” читаче упознаю Гелену Бабич з Нового Саду, Владимира Бильню з Вербасу и Владу Русина з Вуковару.
„Духовни живот” понука тексти о Першей причасци керестурских младих парохиянох и о означованю кирбайох у Сримскей Митровици и Беоґрадзе.
Рубрика „Спорт” зазначела и резултати на турнире у шаху у рамикох Спортских бавискох „Яша Баков” у Петровцох, у Горватскей и на Медзинародним турнире у малим фодбалу у Перечину, у України, на хторим участвовали фодбалере-ветеранє з Руского Керестура. Додаток у тим чишлє „Руске слово у швеце”.