У новим „Руским слове”

автор ядю
883 Опатрене

НОВИ САД – У двацец трецим тогорочним чишлє новинох „Руске слово” рубрика „Тижньовнїк” информує о традицийней Манифестациї у Бикичу „Пришли нам Русадля”, ту и звит з трибини о меншинскей програми на Радио-телевизиї Войводини, як и напис о искуствох у хаснованю руского язика у судских поступкох.

„Духовни живот”  пошвецени означованю 200-рочнїци Водици у Руским Керестуре, а рубрика „Нашо места”, медзи иншим, пише о Сайме обезпечованя роботи у Кули,  преслави 11. родзеного дня Школи спорту „Джампер” у Вербаше, о мото-стретнуцу у Коцуре, а зазначене и як ше дзеци у Дюрдьове дружели з ловарами.

През розгварку з Дюрдьовчаньом Йоаким Раґайом на бокох „Економиї” читаче вецей  дознаю о обставинох у тим хотаре, як и о тим цо ше парастом найбаржей виплаци пошац, лєбо посадзиц.

Рубрика „Култура и просвита” дава звит зоз 44. „Петровского дзвону” у Петровцох, з Рочного концерту вербаского КПД „Карпати”, з означованя ювилею часопису за дзеци „Заградка” у керестурскей Школи, як и зоз Стретнуца руских основних и штреднїх школох у Бикичу и Шидзе.

„Мозаїк” преноши атмосферу з вибору Найкрасшей Русинки на Русинским фестивалє у Свиднїку, а прейґ рубрики „Людзе, роки, живот” читаче упознаю Михайла Фейдия з Руского Керестура и Ивана Ґубаша з Коцура.

Окрем о резултатох спортских клубох з наших местох, рубрика „Спорт” пише и о пласману коцурского ФК „Искра” до Подручней лиґи Суботица, о упечаткох Александра Чизмара з Керестура з финалу УЕФА лиґи у Стокголму, а ту и вистка о стретнуцу ветеранох ФК „Славия” у Новим Орахове. У тим чишлє додаток „Медзипростор за кафу и виключеня”.

ПОВЯЗАНИ ТЕКСТИ