У новим „Руским слове”

автор ядю
986 Опатрене

НОВИ САД – Трицец треце тогорочне число новинох „Руске слово” у рубрики „Тижньовнїк” понука тему о финансованю локалних самоуправох, док рубрика „Нашо места” понука вистки зоз Шиду, Коцура и Вербасу, и о зменшаних залихох креви у лєтнїм периодзе.

„Економия” дава звит о стану у коцурским хотаре котри виволала суша, а наявена и манифестация „Днї керестурскей паприґи”.

„Култура и просвита” понука розгварку зоз добитнїком тогорочней награди „Стриберни пастир”, Желимиром Тотовим, пише о означованю Медзинародного дня младежи у Вербаше, наявени и Фестивал жридлового шпиваня „Най ше нє забудзе”, док „Мозаїк”  понука напис о апликациї за руски словнїк.

У рубрики „Духовни живот” пише як преславена Велька Матка Божа у керестурскей парохиї, як и о активносцох Екуменскей гуманитарней орґанизациї у Новим Садзе.

На бокох рубрики „Людзе, роки, живот” нове предлуженє фельтону „Як (нє) скапал рокенрол”, а на „Спорту” звит о Рукометним кампу „Оджак 2017” и о младому рукометашови Филипови Оросовому з Руского Керестура.

У тим чишлє додатки „Руске слово у швеце” и „Дом и фамелия”, дзе и нове предлуженє „Женоблоґиї”.

ПОВЯЗАНИ ТЕКСТИ